ஆர். மாதவன் (பிறப்பு: ஜூன் 1, 1970, ஜாம்ஷெட்பூர்), இந்தியத் திரைப்பட நடிகர், எழுத்தாளர், படத்தயாரிப்பாளர் மற்றும் நிகழ்ச்சி தொகுப்பாளர் ஆவார். திரைப்படத் துறைக்கு வரும் முன்னர் இந்தித் தொலைக்காட்சித் தொடர்களிலும் நடித்து வந்தார். அவர் தனது நடிப்பை 'பனேகி அப்னி பாத்' என்னும் தொலைக்காட்சி தொடர் மூலம் ஆரம்பித்தார். இவர் கிட்டத்தட்ட ஏழு மொழிகளில் நடித்ததற்காக பிலிம் ஃபேர் விருது வாங்கியுள்ளார். சின்னச் சின்ன வேடங்களில் நடித்த இவர் மணிரத்தினத்தின் அலைபாயுதே திரைப்படம் மூலம் பிரபலம் ஆனார். பிறகு இவர் தமிழில் நிறையப் படங்களில் நடித்து உள்ளார். அமீர் கானுடன் இந்தியில் இவர் நடித்த 3 இடியட்ஸ் படம் வெற்றி பெற்றது.
மாதவன் நடித்த சில தமிழ்த் திரைப்படங்கள்:
அலைபாயுதே
கன்னத்தில் முத்தமிட்டால்
ஆய்த எழுத்து
மின்னலே
ரன்
என்னவளே
தம்பி
அன்பே சிவம்
பிரியசகி
ஜேஜே
ப்ரியமான தோழி
நள தமயந்தி
பார்த்தாலே பரவசம்
டும் டும் டும்
லேசா லேசா
வாழ்த்துகள்
மாதவன் என்றாலே பல பெண்கள் மயங்கிய காலம் உண்டு. இன்னமும் மாதவனை நினைத்து பல பெண்கள் உருகிக்கொண்டுதான் இருக்கிறார்கள். 'உனக்கு என்ன அரவிந்த்சாமி என நினைப்பா?' என ஆண்களைக் கேலி செய்த காலம் போய், ' இவரு பெரிய மாதவன்' என கேட்கும் காலம் மாறியதும் உண்டு.
வசீகரப் புன்னகைக்கு சொந்தக்காரராக மாதவன் இருந்தாலும் அவர் ஒரு சிறந்த நடிகர் என்பதை ஒப்புக்கொள்ள வேண்டும். முதல் படத்திலேயே தான் பெரும் புகழைப் பெற்றாலும் அதற்கு மயங்கியதில்லை மாதவன். வருடத்திற்குப் பல படங்கள் என நடிக்காமல் சிறந்த கதைகளை மட்டுமே தேர்வு செய்து நடிப்பதில் திறமையான நடிகர் மாதவர்.
சமீபத்தில் ஆர்.மாதவன் நடித்து வெளிவந்த தனு வெட்ஸ் மனு பெரிய வெற்றியாக அங்கீகரிக்கப்பட்டுள்ளது. இவர் தன்னைத் திறமையுள்ள நடிகராக அடையாளம் காட்டியுள்ளார். ஆஸ்ட்ரோ உலகம் இவரைப் பற்றிய சில விசயங்களைத் தொகுத்து வழங்குகிறது.
ஆர்.மாதவனின் முழுப்பெயர் மாதவன் பாலாஜி ரங்கநாதன்
மாதவனுக்கு இந்திய இராணுவத்தில் சேர ஆசை. ஆனால் இவரின் பெற்றோருக்கு இவர் மேனஜ்மென்ட் படித்து மின்னணு துறையில் பட்டம் பெற ஆசை.
மாதவன் ரசிகர்களால் மேடி என்று அழைக்கப்படுகிறார்.
இவர் தன் மனைவி சரிதா பிர்ஜேவை 1999ம் ஆண்டு கரம்பிடித்தார்.
1992ம் ஆண்டு மாதவன், ஜப்பானில் நடைப்பெற்ற இளம் வியாபாரிகளின் கருத்தரங்கில் இந்தியாவைப் பிரதிநிதித்துக் கலந்து கொண்டுள்ளார். அதோடு, பேச்சுப்போட்டியில் இந்திய அளவில் முதல் நிலை வெற்றியாளராக வென்றுள்ளார்.
மாதவனுக்குப் பிடித்த வண்ணம் மெருன், வெள்ளை.
மாதவன் கோல்ஃப் விளையாட்டில் கில்லாடி. அமிதாப் பச்சன் போல பிரபலங்களின் தொண்டு நிகழ்ச்சிகளில் கலந்து கொண்டுள்ளார்.
மாதவனின் வழிகாட்டியாக இருப்பவர் இயக்குனர் மணி ரத்னம்
மாதவன் தொடக்கத்தில் தொலைக்காட்சி நாடகங்களில் நடித்தவர். பின்னர் அலைபாயுதே படம் மூலம் பிரபலமானவர்.
2006ம் ஆண்டு ‘PETA’ நடத்திய இணையத்தள கணக்கெடுப்பில் மிகவும் அழகான சைவ ஆணாக இவர் தேர்ந்தெடுக்கப்பட்டார்.
மாதவனின் முதல் திரை முத்தம் குரு படத்திற்காக வித்யா பாலனுடன் நடிக்கும் போதே. இதனால் பல வதந்திகள் உண்டாகின. எனவே, மாதவன் இதுவே தனது முதல் மற்றும் கடைசி திரை முத்தம் என அறிவித்தார்.
கருத்துகள் இல்லை:
கருத்துரையிடுக